由於起步時排到最後, 所以被幾千人塞住, 由一開始幾百米有人行路的情況下, 前前後後被其他跑手塞住左近5km, 最後時間用左51分鐘, 極唔滿意, 下次都係早d 去排隊起跑...

現在將會集中準備黎緊既渣打半馬拉松, 上一次成績係2小時3分, 今次要突破2小時大關, 目標1小時50分內, 極之大想頭, 不過係achievable, 唔係impossible, 我要努力練習, 渣打半馬, 我黎啦!!!

今日跑1500m, 等左成個鐘先開始, 坐係度等既時間又識到勁人~~~

今次都已經盡左力去跑, 時間5m51s, 能夠跑到6分鐘內已經好滿意, 有人話我個跑姿似跑馬拉松多過似跑1500m, 無咩衝刺既感覺, 睇黎遲d 要做下 速度訓練先得~~~

下午去左拔河, 雖然極幸運地得到冠軍, 但左手手指尾報廢左, 睇黎又要過多兩三個星期先會好返...

陸運會完結後同班中五影相, 自己好耐都無試過係佢地面前表現得咁癲, 無所謂啦, 雖然我只係教佢地一科, 但班主任之前有叫過我多d 睇住佢地, 所以點攰都好都想同佢地一齊渡過呢一刻

之後同學生會班幹事傾下計, 影下相, 開開心心就過完呢個陸運會~~~

好羡慕d 社導師, 陸運會完之後可以同班社幹去慶功, 好開心~~~

後記 : 連續兩日既陸運會已經完滿結束, 真係好喜歡同班學生一齊, 心諗 : 如果無左呢班學生, 咁我仲教書黎做乜?